Haqqi Students-Cairo University طلاب حركة حقي-جامعة القاهرة

الحلزون والحلزونة

الحلزون والحلزونة……. يا بلادي يا بنت المجنونة

عايش بندب على تعليمي…….والفايدة اللي ماهيش مضمونة

اتعلمت سنين وسنين…….علشان اكسب دنيا ودين

فجاة لقيتني وبعد مرار…….موجود جوه في الحلزونة

الحلزون والحلزونة

الحلزون هو اللي خانقنا…….لاففعلى رقبة اهالينا

منيوم مولدنا وواعدنا…….بوظيفة علينا مرهونة

نتعلم اعدادي وثانوي…….ودروس خصوصية بالغالي

ولما تعبنا وقلنا يالهوي…….قام دخّلنا في الحلزونة

الحلزون والحلزونة

الحلزون واقف متحيّر…….عامل انه عقله صغيّر

لكنه في لحظة يتغيّر…….يعصر لنا عالبحر لمونة

جيت اقوله تعبان ماديا…….والمصاريف في الجامعة دي غالية

قالي ادفعها كاش نقديا……..والا هتدخل في الحلزونة

الحلزون والحلزونة

والجامعة بقت سجن الطلبة…….والسجّان ده من الداخلية

يضرب يوجع بالتقارير…….وامن الدولة بيلمونا

فيها ايه لما يكون موظف……..يحرس باب الجامعة وأمنه

على الاقل الجامعة هتنضف…….من اللي بيرموا في الحلزونة

الحلزون والحلزونة

والتعليم في الجامعة دي فاشل…….فشله ده جاي من انه قديم

نتعلم ننقل في دفاتر…….والدورات اسعار مجنونة

ليه منطوّرش التعليم…….قالوا هيحصل امتى وكيف

لما يقولوا عليا نديم…….ويزقوني في الحلزونة

الحلزون والحلزونة

أنور

® طلاب حركة حقي – جامعة القاهرة

1 Comment »

  1. حلزونة ايه يا مان دا انت فراخى ومان
    الفون والنت فى يومك ودا ماكنش لثوارنا زمان
    خليت جيوش الداخلية ملايكة وغصب عنى انا عشت امان
    لا ضرب ولا تقليع ودا العدل عدلك وزود لك حبة حان

    Comment by ابراهيم بن الدولة — November 12, 2009 @ 10:48 pm | Reply


RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: