خلاص يا بلدي يا قوّاله

-

خلاص يا بلدي يا قوّاله

من امتى وولادك عالة

وكلاب بتنبش في زبالة

ناهيك عن الهدمة البالة

ولامتى دايمة دي الحالة

عايشة يا بلدي عالاحسان

وعندك الخير ملو حفان

ويتسرق يختفي ما يبان

ولا معونة الامريكان

بشيك دي ولا حوالة

لجيبكم المال يتحول

على طول بسرعة أول بأول

والشعب يشحت يتسوّل

مش كنتوا قلتوا من الاول

دي بنوك سويسرا دي حمّالة

يا اصحاب اللبس الفاخر

ياللي عملتونا مساخر

ده كل ظلم وله آخر

الهي تولعوا في بواخر

وتكون سياحي ورحّالة

امنى اشوفكم من المساجين

يا نصابين…. يا نهابين

يا رئيس على شوية مجانين

املا وعبّي… الناس نايمين

مصنع علاء ناقصاله آلة

أنور

® طلاب حركة حقي – جامعة القاهرة