عمال بلدي

عمال بلدي حالهم ضنك

من يوم ما الخصخصة عملوها

قاسوا مرار والجوع خلاني

اقاسي حياتهم لما قاسوها

والتانيين عايشين في براح

لما بلادي قدروا باعوها

واحنا هنبدأ, بكرة تشوفوا

مصر ولادها راح يحموها

عمال بلدي حاجة تفرح

وقفوا قصاد الآه والجوع

قالوا كفاية سرقتوا بلادي

قالوا الآه وبصوت مسموع

وضرايب عقارية بداية

قام الكل وراها على طول

عمال طنطا وسكة حديد

عرفوا السكة والموضوع

وبريد مصر وراهم برضو

والكل معاهم موجوع

عمال بلدي بدأوا الحرب

اضرب راح يرجعوا بالضرب

مش هنبيع ولا هنسلم

وكلامنا من جوا القلب

هنحارب وهتفضل لينا

جوا قلوبنا ثقافة الحرب

واحنا معاكوا يا عمال مصر

ماشيين وياكم في الدرب

لحد ماتتحقق أهدافكم

هنكون وياكم في السرب

® طلاب حركة حقي – جامعة القاهرة